Wildberries Кыргызстандагы ишкерлер үчүн жаңы сатуу моделин ишке киргизди

«Витрина» (DBS) же «Сатуучунун күчу менен жеткирүү» жаңы модели логистиканы өздөрү уюштургусу келген сатуучулар үчүн ылайыктуу болуп саналат.

Аталган модель буйрутманын ар бир этабын башкарууга мүмкүндүк берет: товарды чогултуудан тарта, сатып алуучунун колуна тийген учурга чейин. Ошол эле учурда сатуучу жеткирүү зонасын өзү тандай алат. Бардык категориялардагы товарлар «Витрина» модели боюнча сатууга уруксат берилет – ал тургай «Маркетплейс» (FBS) жана «Кампа WB» (FBW) схемалары боюнча жеткирилиши мүмкүн эмес болгон товарларды да, мисалы:

• ири өлчөмдөгү товарлар (эмерек, тиричилик техникалары);
• тирүү гүлдөр жана өсүмдүктөр;
• топурак жана жер семирткичтер;
• тамак-аш азыктары;
• морт буюмдар.

Экинчи модель «Витрина экспресс» (EDBS) - бул DBSтин тездетилген версиясы, ал товарды 4 сааттын ичинде сатып алуучуга жеткирет. Бул схема менен иштеп, сатуучу буйрутманы тез чогултуп, экспресс-жеткирүүнү сунушташы керек. Ошол эле учурда, EDBS үчүн комиссия «Автоунаалар» категориясынан башка товарлардын бардык категориялары үчүн 3%ды түзөт.

Маркетплейсте бул схемалар башка өлкөлөрдө бизнести өнүктүрүү үчүн өзүнүн натыйжалуулугун далилдеген, эми мындан ары Кыргызстандагы сатуучулар үчүн жеткиликтүү.

Кыргыз бизнеси барган сайын онлайн чекене соодага кирип жатат жана жергиликтүү өндүрүүчүлөр аны Wildberries аркылуу жасап жатышат. Товарлардын түрлөрүн көбөйтүү менен сатуучулар Кыргызстандан жана КМШнын башка өлкөлөрүнөн сатып алуучуларды тартууда.

Кийинки тенденция, Wildberries акырындык менен республикадагы сатуучулар үчүн мүмкүнчүлүктөрдү кеңейтип, маркетплейс менен эффективдүү кызматташуунун жаңы инструменттерин киргизүүдө.

Буга чейин «Wildberries & Russ» компаниясы, Россия–Кыргыз Өнүктүрүү фонду жана «Бакай Банк» ААКсы менен бирге Кыргызстандагы ишкердикти өнүктүрө турганын билдирген болчу.