Кыргызстандыктар үчүн мүлк салыгын төлөөнүн беш ыңгайлуу жолу

Мамлекеттик салык кызматынын карыздарды өндүрүүнү контролдоо башкармалыгынын начальниги Азамат Пазылов билдиргендей, салыктын суммасын эсептөө жана төлөө үчүн бир нече онлайн кызматтар бар: 

• Салык кызматынын расмий сайтындагы «салык төлөөчүнүн жеке кабинети»; 
• Salyk.kg мобилдик тиркемеси - QR-код аркылуу же банк картасы менен салыкты төлөөгө болот;
• банктарга же почта бөлүмүнө кайрылса болот. Бул үчүн паспорт жана бирдиктүү мүлк коду (БМК) керек.Алар автоматтык эсептөөнү жүргүзүп, суммасын айтып, төлөө кодун берет;
• аймактык салык органы аркылуу төлөө – паспорт гана алып баруу жетиштүү. Кызматкерлер мүлкүңүздү таап, салыктын суммасын эсептеп берет;
• Салык кызматынын маалымат базасы менен интеграцияланган терминалдарды же башка санариптик кызматтарды колдонуу.

«Салыкты төлөө үчүн эч жакка баруунун кереги жок. Тейлөө максималдуу түрдө жөнөкөйлөтүлгөн. Иштер болгону бир нече мүнөттө бүтөт», — деп билдирди Азамат Пазылов.

Салык кызматы эскертет, 1-сентябрга чейин турак үйлөргө, батирлерге (ишкердик үчүн пайдаланылбаган) жана үй жанындагы, короо-жай жанындагы жана бак-чарба жер участокторуна салык төлөө зарыл.